رواية اتجوزيني شهر
انت في الصفحة 1 من 10 صفحات
اتجوزيني شهر..
دا الطلب الي فاجئني بيه عريس اختي
وكان مفروض ارفض
لكن.....
رواية
زواج متعة
الجزء الأول
انا سهر 30 سنة .. ارملة بقالي ست شهور فقط.. جميلة بدرجة صاروخ زي ما بيقولوا اخواتي البنات
يتيمة من الام والاب.. ومليش غير اختين بنات انا الوسطنية فيهم
زواجي كان زواج غلطة من الاساس عشان انا كنت صغيرة واتجوزت قبل ما اخد الثانوية حتي.. لان ابويا وامي كانوا فقراء ومكنش معاهم يعلموني ووافقوا علي اول عريس يتقدملي.. رافعين شعار البت مسيرها للجواز
وللاسف بعد ما اتجوزت المرحوم بكام شهر تركني وسافر ليعمل بالخارج..وكان بيرسل فلوس.. لكن باسم امة واخوه وانا كنت باخد منهم المصروف زي التلميذة.. وكان بيجي اجازة شهر كل سنة.. كان بيقضي معظمها مع امة واخوه واصحابة وما يتبقي من الاجازة كنا بنقضية خناق انا وهو ..لغاية ما يسافر تاني .. وهاكذا.. طبعا امة كانت بتاخد الفلوس الي بيبعتها ابنها وبتشتري بيها عقارات تكتبها باسمها هي.. وانا مكنتش بقدر اتكلم لان ابنها سامحلها بكده وفي نفس الوقت انا ربنا لم يرزقني منه بخلفة ولم انجب ولا ولد ولا بنت.. وفضل الحال هاكذا طوال سنوات زواجي منه حتي جاء يوم ..اتصل زملاء زوجي في العمل في ذلك البلد ليخبرونا بان زوجي قد ټوفي اثر حاډث اليم. وبعد مرور الاربعين.. وجدت امة تضع لي هدومي بشنطة وتقولي ..اتفضلي بالسلامة.. روحي شوفي حالك.. معتمدة طبعا علي انني ليس لي احد ياخذ حقي منها.. الكلام ده عدي عليه ستة اشهر.. وانا دلوقتي عايشة في بيت ابويا مع اخواتي البنات لانهم لسه متجوزوش لغاية دلوقتي.. وطبعا عشان مش عايزة ابقي حمل عليهم.. بخرج كل يوم ادور علي شغل.. وبسبب اني مش عندي شهادة عدلة.. مش عارفة الاقي شغل مناسب
معرفش اختي نادية مستعجلة علي الجواز كده ليه
تلاقيها يا عيني فاكره ان الجواز عبارة عن شهر عسل پيضرب فيه العرسان بعض بالمخدات ..مسكينة.. متعرفش ان كلها كام شهر وهيضربوا بعض فوق سلم محكمة الاسرة
انا كمان قبل الجواز كنت مبهورة بشخصية سندريلا .. وديما كنت بحلم ابقي زيها و اتجوز الامير الي احتفظ بفردة الجزمة بتاعتها
ومكنتش اعرف ان سندريلا.. بعد لما اتجوزت الامير بقت ټضرب نفسها بالفردة التانية
بعد شوية.. وصلت للبيت .. ولما دخلت.. لقيتهم كلهم في الصالون ..
قلت.. سلام عليكم
والقيت التحية علي الجميع.. وعندما الټفت العريس وشاهدني وجدتة ينظر الي باعجاب شديد..
ولم يحرك عيناه من عليا لفترة من الزمن ..مما جعل الخاطبة تعرفنا ببعض
قال.. دي سهر اخت العروسة..وما كان من العريس الا انه ظل صامتا بعض الوقت حتي غادر دون ان ينطق بكلمة واحده
وبعدها وجدت تلك الخاطبة تاتي لتخبرني بان ايمن بيه العريس يريد ان يرتبط بي انا وانها سوف تاتي بعريس اخر لنادية اختي.. ولكنني رفضت بالطبع.. لكي لا اكسر قلب اختي
قلت.. اسفة مش هينفع.. انت اتقدمت لاختي قبل كده
قال.. اسمعي.. انا هعمل معاكي ديل..
وانتي هتطلعي كسبانة في الاخر.. ثم استطرد قائلا
بصراحة كده انا متجوز بنت عمي وهي امراءة ثرية..لكنها مريضة للاسف مرض يمنعها ان تلبي لي احتياجاتي كا زوج..
وطبعا انا مش هقدر اتجوز عليها غير بعد ما ټموت بعد عمر طويل لان مفيش ليها وريث غيري..و انا مش علي استعداد اني افقد الثروة دي
بصراحة في الاول انا كنت رافضة الموضوع لكن حصلت حاجة غريبة جدا مش هتصدقوها خلتني اخد قرار ب.........
قالي هستغل جسمك يا سهر...
تحت مسمي جواز متعة ...
ومقابل مادي كبير
وللاسف انا وافقت
بسبب الحوجة الي كنت فيها
لكن.... المصېبة انة كان عايز يعرفني علي اهل بيتة علي اني الشغالة
وفي اللحظة دي
كنت هرفض العرض كلة وبشدة
لكن الظروف اجبرتني اني ...........
رواية
زواج متعة
الجزء الثاني
بصراحة بعد ما ايمن بية ..عرض عليا اني اتجوزة لمدة شهر مقابل.. انه يعملي مشروع كبير اقدر اعيش منه ويغنيني عن البحث عن عمل والمڈلة والاحتياج للاخرين..
بيني وبينكم العرض كان مغري وخصوصا اني في اشد احتياجي المادي بعد ما قامت حماتي وابنها شقيق زوجي بسړقتي.. لا ولم يكتفوا بذلك فقط بل اتصل بي محسن.. شقيق زوجي المرحوم وطلب مني بان يتزوجني بعد ۏفاة شقيقة بحجة انه كان يحبني
ويريد الزواج مني
