اسكريبت كامل بقلم ايمان عبد الرؤف

وابعدي شويه قربي شويه وابعدي شويه حاولي معاه لغاية ما تجيلي في الاخر وتقوليلي إنك حبتيه.! محمد كويس وميتعوضش ياحبيبة امك.
_ وانتي بقا بتدرسي لسنة كام 
ابتسمت وانا بحاول أقرب منه في الكلام واعامله معاملة الفاصوليا البيضاء وقولتله بابتسامه وانا بتكلم بعفويه _ سنه رابعه ابتدائي أصعب سنه السنه دي.! 
_ ياعيني لا دانتي ربنا معاكي.!
سكت وبعدين كمل بضحك _ وعلى كده ست المرأه القويه بتدي دروس والدنيا لاعبه معاها. 
ضحكت وانا بهمس عشان ماما متسمعنيش _ اه بدي دروس وباخد الفلوس من العيال وانزل اعذمهم على ماك.! 
ضحك _ لا عظمه والله!!
_ احنا ايمان بنتنا جامده.
كان صوت فهد اللي اول مااتكلم قلبي دقاته عليت ووشي سخن و.... وفرحت انه عندنا .!
قومت بسرعه وقولتله _ اجبلك عصير! 
ابتسم _ لأ لأ متتعبيش نفسك . 
_ طب اجبلك تتعشي شكلك مأكلتش النهارده ومهمل في صحتك صح 
اتكلم بلامبالاه_ لا والله واكل. 
قولت بسرعه وانا داخله المطبخ _ يبقا اجيب شاي بنعناع ذي ما بتحبه 
لقيت ماما اتكلمت _ ايمان انتي اللي بتحبي الشاي بالنعناع مش فهد.! 
_ وهو برضو بيحبه والله ده هو اللي حببني فيه.
عارفه اني اوفر وإني غبيه وإني عاوزه اتضرب بس هو انا ليه حبيته من الأساس هو مش الحب 
كنت قاعده مستمعه بحب وبإبتسامه من ودني لودني لإنجازاته واللي عمله وهو مسافر اسوان اخر سفريه حسيت إن حد باصصلي ومركز معايا للحظه عيني
راحت لمكان الشخص اللي باصصلي اللي لقيته إنه محمد اللي كان باصصلي بتركيز شديد ولما وريته اني شوفته مبعدش نظراته عني لا ده عمق اكتر وبعدين ابتسم ابتسامه خفيفه بس بينت غمازه خلت شكله احلى اول مره اشوفها واركز فيها وو وأي اللي انا بقوله ده! وانا قلبي بيدق لي دلوقتي طب!
لقيته فجأه قال _ تصبحوا على خير
وقام يمشي لقيت بابا قالي اني اقوم اوصله لباب الشقه.
قومت معاه بتوتر وانا باصه على فهد اللي كان بيتكلم مع بابا عادي وانا اللي ذي الغبيه مستنياه يقولي انا بحبك ياايمان .! انا مني لله بجد.!
سمعت صوت محمد بيقولي _ انا بحب القهوه مبحبش الشاي بالنعناع. 
كملت _ والمطلوب! 
فرد ايديه قدامه وبعدين ربعهم وقال بعند _ إنك تحبي القهوه. 
_ وده أمر 
كملت لما لقيته ساكت _ على فكره المرأه دلوقتي ليها حرية الرأي وتعمل اللي هي عوزاه ومحدش يقدر يأمرها وم
لقيته بسرعه حط ايده على بوقي يسكتني وبعدين قال بدفا _ ده طلب مش أمر. 
شيلت ايديه بسرعه واتكلمت بتوتر _ ه هف هفكر.! 
ابتسم وهو بيغمزلي _ يبقا تصبحي على خير يا حبيبتي. 
قولت بتوهان _ حبيبتي! 
ابتسم _ وكل حياتي.!
كلامه دافي ولطيف وجميل وخلي قلبي يدق ويفرح دخلت الشقه وانا سرحانه فيه وهو بيكلمني وهو بيقولي ياحبيبتي وهو بيغمزلي ..
مكنتش شايفه لا فهد